ភោជនីយដ្ឋាន ១២១ ជាប្រភេទភោជនីយដ្ឋានម្ហូបខ្មែរបង្កើតទ្បើងដោយមេចុងភៅល្បីឈ្មោះ លោក ឌុក ដេត ដែលបានបញ្ចប់ការសិក្សាផ្នែកម្ហូបអាហារពីសាលាសណ្ឋាគារ PSE ហើយលោកមានបទពិសោធន៍ក្នុងវិស័យម្ហូបអាហារនេះ លើស១៥ឆ្នាំមកហើយ។ ថ្មីៗនេះ លោក ឌុក ដេត បានចូលរួមក្នុងកម្មវិធីប្រកួត «មហោស្រពម្ហូបអាហារជុំវិញបឹងទន្លេសាប» ក្នុងខេត្តសៀមរាប ក្រោមការរៀបចំរបស់ ក្រសួងវប្បធម៌ និងវិចិត្រសិល្បៈ កាលពីថ្ងៃ១២ធ្នូ ឆ្នាំ២០២១។ នាការប្រកួតនោះ លោក ឌុក ដេត ទទួលបានជ័យលាភីលេខ១ ដោយមានការចូលរួម ពីសំណាក់ចុងភៅជំនាញៗមកពី ខេត្តសៀមរាប, បាត់ដំបង, ពោធិ៍សាត់, កំពង់ឆ្នាំង និងកំពង់ធំ លើវិញ្ញាសាចម្អិនម្ហូប«ហហ្មុក»។ ១២១ ផ្តោតលើ អនាម័យ រសជាតិ និង សុវត្ថិភាព។